السلام عليكم طلاب العراق
هواي من الطلاب يتساءلون شنو؟ وزارة التربية راح تعتمد امتحانات نصف السنة كدرجة نهائية لو لا؟
طبعا حتى نجاوب على هيج سؤال لازم نعرف وزارة التربية شتفكر
وزارة التربي وحسب تصريحات المتحدث باسم الوزارة بهل ايام جاي يكول انو الوزارة حاليا ماعدها نية لهيج قرار لان لحد الان الطلاب مامتحنو نصف السنة فلازم الطلاب يمتحنون نصف السنة حتى نعرف شنو مصير العام الدراسي
فبعد ماتكمل امتحانات نصف السنة وزارة التربية راح تشوف الوضع والموقف الوبائي اذا يسمح انو يستمر الدوام فراح تاخذ الوزارة قرار باستمرار العام الدراسي للفصل الثاني واذا لا جان الوضع صعب واصابات مرتفعة وخلية الازمة ما تسمح بعودة الدوام فبهاي الحالة راح الوزارة تنجبر انو تعتمد على درجات نصف السنة لطلاب المراحل غير المنتهية وينتهي العام الدراسي
وطبعا هذا القرار اذا صوتو علية ماراح يشمل طلاب الوزاري ولا طلاب الخارجي لان لازم يمتحنون وزاري
بس ممكن طلاب الثالث متوسط والسادس ابتدائي ينشملون بالقرار مثل العام السابق
طبعا كلشي وارد بسبب الوضع محد يعرف شراح يصير
فهسه انتم كطلاب لازم تشدون حيلكم وان شاء تحصلون درجات عالية وتأمنون على مستقبلكم بحيث يا قرار يجي انتم مرتاحين متبقون تدورون درجات مساعدة او ادوار ثانية وثالثة
تحياتي الكم
🅒مدونة اخبار طلاب العراق الرسمية
انشاء الله نطلع معدل زين
ردحذفومن الله التوفيق
اي نعم انريد الاعتماد على درجة نصف السنة وشكرا
ردحذف